"Мин татарча сөйләшәм!"

26 апрельдә Казан үзәге татарча гөрләп алды. Татарстан башкаласының Бауман урамында "Мин татарча сөйләшәм!" чарасы йөзләгән кешене бер урынга җыйды. Һәр елдагыча сәхнәдән яңа буын, альтернатив башкаручылар чыгыш ясады. Өлкәннәр сәерсенеп карасалар, яшүсмерләр сәхнәдәгеләргә битараф түгел иде. Чараның Бауман урамында очрашу сәгате урынында булуы оештыручыларга да, тамашачыларга да уңайлы иде.